Les mots surlignés font l'objet d'une note
1Monseigneur, jay receu la lettre quil vous a pleu mescrire du jour dhier à Laval, ensemble
2celle que vous escript monsieur du Chastellard de laquelle je feray lecture
3à monseigneur le presidant tout aussy tost quil sera esveillé. Ce pendant je
4vous diray quil se porte mieulx quil na encores faict. Son flux de ventre la
5du tout abandonné, tellement quil fut contreinct prendre ier avant soupper
6ung clistère. Il a fort bien dormy ceste nuict. Il trouve toutes bonnes
7viandes bonnes. Il trouve le bon vin blanc bon, mais il na encores trouvé
8le goust du clairet. Son apostesme et du tout guerie. Voilla sa
9disposition en laquelle il est maintenant, esperant quil sera de jour à
10aultre de bien en mieulx, tellement que jespère entre cy et peu de
11jours, le veoir aux champs du costey du Thouvet et Barrault. Sur
12ce poinct, monseigneur le presidant ma demandé auquel jay faict
13lecture de la lettre de monsieur du Chastellard et de celle de monsieur
14le presidant Bellièvre, lesquelles je vous envoie, ensemble une lettre
15quil vous escript. Cest la troisiesme quil a signée depuis quil commence
16à se mieulx porter.
17Monseigneur, après mestre très humblement recommandé à vostre bonne grace,
18je prie Notre Seigneur quil vous aye en la sienne. De Grenoble ce
19XXIIIIe aoust 1572, de
20Votre très humble et très obeissant serviteur
21de Bazemont abbé d’Aiguebelle